https://faroutpodcast.com/1wzojj5z पोखरा, ३ वैशाख । नेपाली काँग्रेस कास्कीका सभापति कृष्ण केसीलाई पितृशोक परेको छ ।

https://musicboxcle.com/2025/04/x9hn3j7 उहाँका पिता हर्क बहादुर केसीको एक सय वर्षको उमेरमा निधन भएको हो ।

https://www.masiesdelpenedes.com/a828bp95m मादी गाउँपालिका वडा नं ५, देउमाणिस्थित निवासमा शुक्रबार करीब ९ बजे निधन भएको हो ।

उहाँको पार्थिव शरीर शुक्रबार पोखरा रामघाटस्थित सेती नदी किनारमा अत्येष्टि गरिएको नेपाली काँग्रेस कास्कीका प्रवक्ता नवीन सिग्देलले जानकारी दिनुभयो।

स्व. केसीका पाँच छोरामध्य कृष्ण जेठा छोरा हुनुहुन्छ । बाबुराम केसी माहिला, पान बहादुर केसी साहिला, वीरेन्द्र केसी काईला र देवेन्द्र केसी कान्छो छोरा हुनुहुन्छ । उहाँका चार छोरी छन् ।

स्वर्गीय केसी पोखरा २८ देउमणिस्थित उषा किरण प्रावि र मादी ५ चितेपानी हिमालय प्राविका संस्थापक सदस्य हुनुहुन्थ्यो ।

शव यात्रामा विभिन्न राजनीतिक दलका नेता तथा कार्यकर्ता, सुभेच्छुक र आफन्तको उल्लेख सहभागिता रहेको थियो ।

उहाँको पार्थिक शरीरमा नेपाली कांग्रेसकी केन्द्रीय सदस्य डा. डिला सङ्रग्रौला, नेता शुक्रराज शर्मा, यज्ञ बहादुर थापा, क्षेत्रीय सभापतिहरु बृजमान गुरुङ, माधव बास्तोला, पोषनाथ शर्मा, नेपाली काँग्रेस पोखरा २८ का इकाइ सभापति विकास लामाले पार्टीको चार तारे झन्डा ओढाएर अन्तिम श्रद्धाञ्जली अर्पण गर्नुभएको थियोे ।

यसैबीच, नेपाली काँग्रेस कास्कीले शुक्रबार नै शोक विज्ञप्ति प्रकाशित गरी केसीको निधनले पार्टीमा अपुरणीय क्षति पुगेको जनाएको छ ।

प्रजातन्त्र सेनानी, पार्टीका क्रियाशील सदस्य केसीको निधनले पार्टी स्तब्ध बनेको उल्लेख गर्दै दिवंगत आत्माको चिरशान्तिको कामना र शोकसन्तप्त परिवारजनमा समवेदना व्यक्त गरिएको छ ।