नवनिर्वाचित राष्ट्रपति डोनाल्ड ट्रम्पले सोमवार बिशेष समारोहका बीच ४७ औं राष्ट्रपतिका रूपमा शपथ ग्रहण गर्दैछन् । दोश्रो पटक निर्वाचित राष्ट्रपति ट्रम्पको ह्वाईट हाउस प्रवेशलाई बिशेष अर्थमा हेरिएको छ । बिशेषगरी खस्कदो अमेरिकी अर्थतन्त्र, अध्ययागमन लगायतका सुधारमा उनले निर्वाचनका बखत प्रतिज्ञा गरेका कारण उनले बहुमतले चुनाव जितेका थिए । शपथ ग्रहण समारोह विशेष सुरक्षाका बीच वासिङ्टन डीसीस्थित क्यापिटल भवनभित्र आयोजना हुँदैछ ।

शपथ ग्रहण समारोहमा विश्वभरभरबाट राजनीतिक तथा व्यापारिक क्षेत्रको नेतृत्व गरेका नेताहरु उपस्थित हुने जनाइएको छ । यसैगरी एप्पलका सीईओ टिम कुक, माइक्रोसफ्टका सत्या नाडेला, टेस्लाका एलन मस्क जस्ता ठूला निजी कम्पनीका प्रतिनिधिहरू यस कार्यक्रममा सहभागी हुँदैछन् ।

समारोहमा भारतका विदेशमन्त्री एस जयशंकर पनि सहभागी हुने जनाइएको छ । कार्यक्रममा सहभागि हुने विश्वभरका नेताहरुसँग राष्ट्रपतिले नयाँ सम्बन्धको सुरुवात गर्नका लागि बोलाइने जनाइन्छ ।