न्यूयोर्कस्थित लङ्गआइल्याण्ड नेपाली समाजको ७ औं अधिवेशनबाट कुलप्रसाद गौली (राजन) अध्यक्षमा निर्वाचित भएका छन् । हिजो शनिवार सम्पन्न अधिवेशनबाट दुई बर्षे कार्यकालका लागि अध्यक्षमा गौली निर्वाचत भएका हुन ।

निर्वाचन समितिले दिएको जानकारी अनुसार, गौलीले २९३ मत प्राप्त गरे भने, अध्यक्षका अर्का प्रत्यासी बाबुराम शर्माले २४० मत प्राप्त गरेका छन । निर्वाचन समितिका संयोजक महेश खड्काका अनुसार बरिष्ठ उपाध्यक्षमा सावित्रा शिवाकोटी, उपाध्यक्ष पदमा गोकुल र इन्दिरा सिंखडा सापकोटा विजयी भएका छन् । यस्तै महासचिव पदमा राजेन्द्रकुमार कार्की विजयी भएका छन ।

यस्तै सचिवमा दिपक अधिकारी र मोहन क्षेत्री, कोषाध्यक्षमा निर्मल थपलिया, सहकोषाध्यक्षमा रामकुमार राई निर्वाचित भएका छन् । यस्तै सदस्यहरुमा अम्बिका कुमाल, बिकास मैनाली, बिमला भण्डारी, ज्ञानु चन्द, नमिता पौडेल, निरज सापकोटा, राजकुमार तामाङ, रवि खडका, रोशनी सिटौला, सुजन रेग्मी, सुमन बास्तोला र डा. भिमराज गिरी निर्वाचित भएको जानकारी दिइएको छ ।

अध्यक्षमा निर्वाचित गौलीले संस्था र समाजको हितका लागि सबै पक्षसँग मिलेर जाने प्रतिकृया दिएका छन् । निर्वाचन प्रकृया अनुसार बिजेता, उपबिजेता भएपनि कसैको हार र जित नभनी संस्थाको हितमा लाग्नुपर्ने धारणा व्यक्त गरेका छन् ।