जिल्ला प्रहरी कार्यालय कास्कीले सुनको सिक्री चोरी गर्ने एक जनालाई पक्राउ गरेको छ । कास्की पोखरा महानगरपालिका वडा ९ महेन्द्रपुल बस्ने वर्ष २९ का हेमन्त पुनको सुनको सिक्री चोरी गरी फरार रहेको व्यक्तिलाई पक्राउ गरेको हो ।

प्रहरी टोलीले कास्की पोखरा ४ सिदार्थचोक बस्ने वर्ष २७ को सुमन परियारलाई पक्राउ गरेको जनाइएको छ । उनको साथवाट सुनको सिक्री जस्तो देखिने पहेँलो धातुको सिक्री थान १ सहित फेला परेको र निजको हुलिया तथा सिक्री सनाखत गर्दा निजले चोरी गरी फरार रहेको देखिएकोले पक्राउ गरिएको प्रहरीले जानकारी दिएको छ ।

प्रहरीले जिल्ला अदालतबाट चोरी तथा डाँका सम्बन्धी मुद्दामा दिन पाँच म्याद थप गरी अनुसन्धान प्रकृया अगाडी बढाईएको जानकारी दिएको छ ।