टेक्सास क्षेत्रको अग्रणी सामाजिक संस्था, नेपाली समाज टेक्सासको चुनावी सरगर्मी बढेको छ । एनएसटीको सन् २०२४-२५ कार्यकालका लागि अध्यक्षमा दुई जनाले उम्मेदवारी दर्ता गरेका छन् ।
अध्यक्षमा वर्तमान अध्यक्ष राजेन्द्र वाग्ले र यसअघि महासचिव भएर काम गरिसकेका कमल सत्यालले उम्मेदवारी दर्ता गरेका हुन् । यस पटक दुई समुह, चुनावी प्रतिस्पर्धामा उत्रिएका छन् । शनिवार वाग्ले समुहले उम्मेदवारी दर्ता गरेको थियो भने, आइतवार सत्याल समुहले उम्मेदवारी दर्ता गरेको छ ।
निर्वाचन समितिको सचुना अनुसार, वरिष्ठ उपाध्यक्षमा जनक भण्डारी र मधुकर खरेलको उम्मेदवारी परेको छ, यस्तै महिला उपाध्यक्षमा सावित्री भण्डारीको एकल उम्मेदवारी परेको छ । यस्तै उपाध्यक्षमा बलराम पौडेल र रविन पाठकको उम्मेदवारी परेको निर्वाचन समितिले जानकारी दिएको छ ।
यसैगरी महासचिवमा बिजय भुषाल र सन्देश उप्रेतीको उम्मेदवारी परेको छ । यस्तै सचिवमा दुई, कोषाध्यक्षमा दुई, सहकोषाध्यक्षमा दुई, खेल संयोजकमा दुई, महिला संयोजकमा एक, युवा तथा बिद्यार्थी संयोजकमा दुई र कार्यसमिति सदस्यमा ९ जनाको उम्मेदवारी परेको छ ।
नेपाली भाषा, साहित्य, कला सँस्कृतिको संरक्षण र नेपालीहरुको सुख दुखमा एनएसटी उत्कष्ट संस्थाको रुपमा दर्ज छ । भब्य योजना सहित पशुपतिनाथको मन्दिर निमार्णको चरणमा रहेको यो संस्थाले नयाँ पुस्ताका बालबालिकाहरुलाई नेपाली भाषा कक्षा समेत संचालन गरिरहेको छ ।
वर्तमान अध्यक्ष समेत रहेको वाग्लेले न्यूजपालीसँग कुराकानी गर्दै भने, म दोश्रो कार्यकालका लागि चुनावी प्रतिस्पर्धामा छु, धेरै काम सम्पन्न गर्नुछ, स्वच्छ भावनाका साथ समय दिएर सामाजिक काम गर्ने व्यक्तिहरुलाई सहयोग गर्न म सबैमा हार्दिक अपिल गर्दछु ।
अध्यक्षमा उम्मेदवारी दर्ता गराएका पूर्वमहासचिव सत्यालले न्यूजपालीसँग कुराकानी गर्दै भने, एनएसटीले राम्रो काम गरिरहेको छ, यो हामी सबैको संयुक्त प्रयासबाट सम्भव भएको हो, म महासचि भएर उत्कृष्ट काम गरेको बारे सबैलाई थाहै छ, म नेतृत्वमा आएर यो संस्थाको गरिमा थप उचो बनाउने लक्ष्य लिएको छु ।
नेपाली समाज टेक्सासले केही समयअघि आफ्नो २५ औं बार्षिकोत्सव बिविध कार्यक्रम गरी मनाएको थियो ।
हेर्नुस उम्मेदवारी दर्ता गरेकाहरुको नामावली
भर्खरै
नेपाली नागरिकताको निरन्तरता अभियानले विश्वभरबाट हस्ताक्षर संकलन गर्ने
जय नेपाल फाउन्डेसनको टाउन हल बैठक सम्पन्न
महाधिवेशन प्रतिनिध र महासमिति सदस्य निलम्बन छिट्टै फुकुवा हुन्छ : जनसम्पर्क समिति बिभाग प्रमुख पौडेल
प्रवासी नेपालीहरुको नागरिकताको निरन्तरताका लागि संबिधान संशोधन पनि गर्न तयार छौं : एमाले उपमहासचिव ज्ञवाली
टेक्ससस्थित ह्युस्टनको एक अपार्टमेन्टमा नेपाली विद्यार्थीको गोली हानी हत्या
नेपाल–अमेरिका अन्तर्राष्ट्रिय चलचित्र महोत्सवमा ११ देशका ३५ चलचित्र
ट्रेन्डिङ
पोखरा महानगरपालिका पूर्ण असफल – ११ वडाका अध्यक्ष
जनकपुरको माछा फेवातालको भन्दै विक्री गर्नेलाई कारवाहीको माग
पोखरामा भाँसियो सडक
हेमजाकी त्रिपाठीलाई अन्तर्राष्ट्रिस्तरको अवार्ड
यस्तो छ पोखराका विद्यालयलाई निर्देशन,पढौं
कास्की जिल्ला प्रशासनले भर्खरै जारी ग¥यो कडा निषेधाज्ञा, के के छ पढौं