उपप्रधानमन्त्री तथा रक्षा मन्त्री पूर्णबहादुर खड्काले भूकम्प प्रभावित क्षेत्रका सबै पीडितलाई राहत सामग्री उपलब्ध गराउने काम भइरहेको जानकारी दिएका छन । भूकम्पपीडित परिवारका लागि राहत लिएर रुकुम पश्चिम पुग्नुभएका उपप्रधानमन्त्री खड्काले भूकम्प प्रभावितले समयमै राहत नपाएको विषयमा सरकार गम्भीर भएको उल्लेख गर्दै, आइतबार सम्म सबै पीडितलाई राहत सामग्री पु¥याउने जानकारी दिए । करिब एक हजार दुई सय परिवारलाई पुग्ने त्रिपाल लिएर उनि प्रभावित क्षेत्रमा पुगेका हुन ।

उपप्रधानमन्त्री खड्काले रूकुम पश्चिम पु¥याएको त्रिपालमध्ये जाजरकोटको भेरी नगरपालिका, रूकुम पश्चिमको चौरजहारी नगरपालिका र मुसिकोट नगरपालिकामा पाँच÷पाँच सय तथा सल्यानको बाँफीकोट गाउँपालिकामा दुई सय ९२ र सल्यानकै त्रिवेणी गाउँपालिकामा पाँच सय वटा वितरण गरिनेछ ।

यही कात्तिक १७ गते जाजरकोट केन्द्र भई भूकम्प गए यता उपप्रधानमन्त्री खड्का भूकम्प प्रभावितको उद्धार र राहतमा सक्रिय छन । स्थानीय तह र प्रशासन र प्रदेश सरकारसँग समन्वय गर्दै, राहत अपुग स्थानमा क्षेत्रमा स्थल र हवाईमार्ग मार्फत उनि राहत वितरण कार्यमा केन्द्रित छन। रासस