व्यक्ति हत्यामा दोषी ठहर भई सजाय काटेका योगराज ढकाल ‘रिगल’ को आममाफीको विरोधमा काठमाडौंमा प्रदर्शन गरिएको छ । रिगलले हत्या गरेका चेतन मानन्धरकी श्रीमती भारती मानन्धर, अभियान्ता ईः र सुमन सायमी लगायतको उपस्थितिमा माइतीघरमा प्रदर्शन भएको हो। प्रर्दशनमा एमालेको युवासंघका कार्यकर्ताको समेत उपस्थिति थियो।

प्रर्दशनकारीहरुले ‘क्रुर हत्याको आममाफी फिर्ता गर’, ‘अपराधीलाई सम्मान गर्न बन्द गर, क्रुर हत्याको आममाफी फिर्ता गर’ लेखेका प्लाकार्ड बोकेका थिए । उनिहरु माइतीघरबाट बानेश्वरतर्फ जिल्ला अदालत अगाडिसम्म पुगेर माइतीघर फर्किएका थिए।

बाँकेका चेतन मानन्धरको हत्या अभियोगमा सर्वस्वसहित जन्मकैदको सजाय काटिरहेका रिगललाई सरकारको सिफारिसमा संविधान दिवसमा राष्ट्रपति रामचन्द्र पौडेलले आममाफी दिएका थिए।