‘नेपाल आइडल सिजन २’ का विजेता गायक रवि ओडको देउकी प्रथामा आधारित ‘ऐलानी मैलानी’ बोलको गीत सार्वजनिक भएको छ । गायक रवि ओड र अस्मिता अधिकारीको आवाज रहेको गीतमा हर्क साउँदको शब्द र महेश ताम्राकारको संगीत रहेको छ । अप्सु योगी,दिपा सुहाङ,नरेश ओडको कोरस गायन रहेको गीतलाई होराइजन स्टुडियोमा रेकर्ड गरिएको हो ।

गीतको म्युजिक भिडियोमा सामाजिक कुप्रथा देउकी प्रथा र यसले पारेको नकरात्मक प्रभावलाई देखाउन खोजिएको छ । रवि ओड आँफै भिडियोमा देख्न सकिन्छ । गीतको म्युजिक भिडियो अछामको रामारोशनदेखी साँफेबगरसम्म छायांकन गरिएको हो । मन रुवाउने कथा, भिडियो सम्पादन र छायांकन उत्कृष्ठ देखाउन खोजिएको छ ।

म्युजिक भिडियोमा रवि ओडसँगै रवि सुस्मिता कुवंर, हेमराज कुवंर समर्पण, करण साउद,गंगा साउद र बाल कलाकारहरु नविन बिक र स्मृति खड्काको अभिनय छ । टेकेन्द्र शाहले सम्पादन, रामकुमार केसीले छायांकन, राज पोखरेल र दिनेश थापाले सहायक छांयाकान गरेको म्युजिक भिडियोमा दशरथ सुनारको कथा र निर्देशन रहेको छ । गीत स्रोता एंव दर्शकहरुले माया गर्नेमा आफु विश्वस्त रहेको र सामाजिक कथालाई जस्ताको तस्तै प्रस्तुत गरिएको गायक रवि ओडले जानकारी दिए ।