बर्दियाको एक बिद्यालयकी प्रधानाध्यापक घुस रकम सहित पक्राउ परेकी छन‍्। अख्तियार दुरूपयोग अनुसन्धान आयोगले राजापुर नगरपालिका वडा नम्वर ७, भिस्मापुरस्थित सरस्वती बाल प्रथामिक विद्यालय शंकरपुरका प्रधानाध्यापक लक्ष्मीदेवी उपाध्यायलाई घुस रकमसहित पक्राउ गरेको प्रवक्ता भोला दाहालले जानकारी दिए।

प्रअले हाजिरी गराउन सहजीकरण गरिदिने भन्दै सेवाग्राहीसँग घुस मागेको बताइन्छ । अख्तियारलाई प्राप्त सूचनाको आधारमा, त्यस क्षेत्रमा खटिएको टोलीले प्रअलाई वडा नम्बर ४ स्थित सरस्वती भवन नजिकैबाट मंगलबार घुस लिइसकेको अवस्थामा पक्राउ गरेको हो।

प्रअले १४ हजार ५ सय रुपैयाँ घुस लिएको अख्तियारका प्रवक्ता दाहालले जानकारी दिएका छन्। अख्तियारले उपाध्यायमाथि थप अनुसन्धान अघि बढाएको छ।