अमेरिका । अमेरिकाको फलोरिडा राज्यमा शनिवार दिउसो करिव १ बजे अन्धाधुन्ध गोली चलाउँदा तीन जना अश्वेत अमेरिकन नागरिकको मृत्यु भएको छ । फलोरिडा राज्यको ज्याक्शनभिल स्थित डलर जनरल नामक पसलमा एक श्वेत युवकले अन्धाधुन्ध गोली चलाउँदा तीनजना अश्वेत अमेरिकी नागरिकको मृत्यु भएको छ ।

शनिवार अपरान्ह भएको घटनालाई जातिय शंज्ञा दिईएको छ । अन्धाधुन्ध गोली चलाउने २० बर्षका डेभिड कज नामक श्वेत युवक, क्ले काउन्टी साउथ ज्याक्सन भिलमा बस्दै आएका थिए । उनि एउटा फुलबल प्रतियोगितामा भाग लिन त्यहाँ पुगेका थिए ।

प्रहरीको प्रारम्भिक अनुसन्धान अनुसार, अन्धाधुन्ध गोली चलाउने ति युवाले अश्वेतहरुलाईनै निशाना गरेका थिए । भने उनिबाट प्रहरीले अश्वेतहरुलाई घृणा गर्ने गरेका कागजातहरु समेत फेला पारेको छ ।

सन् २०२३ मा मात्रै कम्तीमा ४ सय ७० यस्तै प्रकृतीका मास सुटहरु भएका छन् । पछिल्ला दुई दिनमा ओक्लोहामा र अर्को एक राज्यमा पनि यस्तै प्रकतीका घटना भएका थिए ।

ज्याक्शन भिलका प्रहरी अधिकारीका अनुसार गोली चलाउनेका बारेमा थप अनुसन्धान भईरहेको छ । ज्याक्शन भिलका प्रहरी टिके वाटर्सका भन्छन्, गोली चलाउने युवक र घटनाको प्रकृती हेर्दा अश्वेतहरुलाई निशाना बनाएको देखिन्छ ।

घटनामा मृत्यु हुने मध्ये दुई पुरुष र एक महिला छन् । उनिहरु सबै अश्वेत अमेरिकन नागरिक थिए । सीएनएन लेख्छ, सन् २०२३ मा मात्रै कम्तीमा ४ सय ७० यस्तै प्रकृतीका मास सुटहरु भएका छन् । पछिल्ला दुई दिनमा ओक्लोहामा र अर्को एक राज्यमा पनि यस्तै प्रकतीका घटना भएका थिए । अमेरिकामा यस प्रकृतिका घटना प्राय सप्ताहन्त, खेल प्रतियोगितामा बढी हुने गरेका छन् ।