काठमाडौं । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्डले वर्तमान सरकार सुशासन कायम राख्न अब्बल रहेको दावी गरेका छन् । प्रधानमन्त्री दाहालले वीरगन्जमा आयोजित एक कार्यक्रमलाई सम्बोधन गर्दै सरकारले नागरिकता विधेयक, मिटरब्याज पीडित, विद्युत व्यापार, नक्कली भुटानी शरणार्थी प्रकरण, सुन तस्करी,ललिता निवास प्रकरण लगायतका क्षेत्रमा अदभूत काम भएको जिकिरे समेत गरेका छन ।

प्रधानमन्त्री दाहालले गुनासो गर्दै भने, मेरो नेतृत्वको सरकारले यति धेरै राम्रा काम गरेको छ, तर जस दिँदैनन् । प्रधानमन्त्रीले सरकारले गरेका कामबारे खुलेर प्रशंसा गर्न मानिसहरू डराउने गरेको भन्दै गुनासो पोखे । प्रचण्ड अगाडि थप्छन्, माओवादी वा मेरो हाइट बढ्छ कि भनेर मान्छेहरु डराउने गरेको छन ।

प्रधानमन्त्रीले सरकारले गरेका कामबारे खुलेर प्रशंसा गर्न मानिसहरू डराउने गरेको भन्दै गुनासो पोखे । प्रचण्ड अगाडि थप्छन्, माओवादी वा मेरो हाइट बढ्छ कि भनेर मान्छेहरु डराउने गरेको छन ।

उनले गठबन्धनकै नेतृत्वमा देशमा धेरै राम्रा काम भईरहेको र उल्लेख्य काम गर्ने दावी समेत गरेका छन् । प्रधानमन्त्री दाहालले आफू गम्भीर भएर नै तस्करीको ६० किलो सुन बरामद गरेको दावी गरेका छन् । भाषणमा केही भावुक बनेका प्रधानमन्त्रीले भने, मलाई अब राम्रो बाहेक केही गर्नु छैन । जीवनको उत्तरार्द्धमा राम्रो काम गरेर नेपाली जनताले सम्झन लायक काम गर्ने विचार छ, उनले भने, अब ढुक्कसँग मर्ने मात्रै रहर छ । प्रधानमन्त्री दाहालले सबैको सहयोग आवश्यक रहेको जानकारी दिएका छन् ।