अमेरिका । अमेरिकाको वाशिंटन डिसीमा रहेको नेपाली दूतावासले सेप्टेम्बर २ देखि ५ सम्म कोलोराडोमा कन्सुलर सेवा दिने भएको छ । कोलोराडो क्षेत्रमा बसोबास गर्ने नेपालीहरुलाई लक्षित गरी राहदानी नविकरणको सेवा प्रदान गर्ने जानकारी दिईएको छ । दूतावासले सेवा लिनका लागि अनलाइन आवेदन फारम भरेर निवेदन लिएर आउन अनुरोध गरेको छ ।

दूतावासका अनुसार Drury Inn and Suites, 10393 Reed Street, Westminster 80021 मा विहान ९ बजेदेखि बेलुका ५ बजेसम्म कन्सुलर सेवा प्रदान गरिनेछ । दूतावासले दिएको जानकारी अनुसार विद्युतीय राहदानी नविकरणका लागि फारम भर्न र अप्वाइन्टमेन्ट लिन आफ्नो कम्प्युटर, ल्यापटप वा मोबाईलको मिति र टाइमजोन काठमाडौंको सेटअप गर्नुपर्नेछ । त्यसपछि नियमित वेवसाइटमा गएर फारम भर्नुपर्नेछ ।

विद्युतीय राहदानीका लागि शिविरमा आउँदा सक्कल नागरिकता र नागरिकताको प्रतिलिपि, नाबालकको हकमा नाबालक परिचयपत्र तथा बाबु र आमाको नागरिकताको प्रतिलिपि, सक्कल राहदानी र र राहदानीको प्रतिलिपि, बायोमेट्रिकका लागि रीतपूर्वक अनलाईन फाराम भरी बारकोड सहितको प्रिन्टआउट प्रति ल्याउन सुझाव दिइएको छ ।

तलको लिङकमा क्लिक गरेर फारम भर्नुहोस ।

https://emrtds.nepalpassport.gov.np/