follow पोखरा,११पुस। पोखरामा नेपाली काँग्रेस पार्टीका दुई महामन्त्रीले पोखरामा गरमागरम राजनीतिक संवाद गनुभएको छ ।

follow site नेपाल लिटरेचर फेस्टिभलको अन्तिम दिन  दुई युवा नेतासँग पत्रकार बसन्त बस्नेतले संवादको सहजीकरण गर्नुभयो।

https://musicboxcle.com/2025/04/gyixu3etk पछिल्लो राजनीतिक घटनाक्रमको सन्दर्भ जोड्दै पत्रकार बस्नेतले महामन्त्री थापालाई शुरुमै चोटिलो प्रश्न गर्नुभयो, ‘गगनजी तपाईं पोखरामा हारेर आउनुभएको हो कि जितेर?’

महान्त्री थापाले यो छोटो प्रश्नको जवाफ अलि लामै दिनुभयो। केही समयअगाडि मेरो व्यक्तिगत अवस्था नागपास (लुडो खेलको) मा भर्यांग चढेर अलि माथि पुगेको विश्व प्रकाश शर्मा दाइ र प्रदीप पौडेलले समर्थन गरिसकेपछि थप भर्यांग चढौंला भन्ठानेको एकैचोटी तल झरेजस्तो भयो,’ उहाँले भन्नुभयो, नेपाली काँग्रेसको महामन्त्रीका हिसाबले हिजोको लक्ष्यमा पुग्न लागेर शून्यमा झरेजस्तो भएको छ।’

उहाँले हिजोदिनभर पार्टी सभापति शेरबहादुर देउवाको फोन आफूलाई कति बेला आउला भनेर कुर्दा पनि फोन नआएको गुनासो पनि गर्नुभयो।

अर्का काँग्रेस महामन्त्री शर्माले पछिल्लो घटनाक्रममा भएको कांग्रेसको हारबारे हालै सम्पन्न विश्वकप फुटबलको उदाहरण दिँदै भन्नुभयो ‘जितेर पनि हारेर आएको हो । वल्र्डकपमा सबैभन्दा गोल एम्बापेले हाल्यो। गएको निर्वाचनमा सबैभन्दा बढी जित काँग्रेसले जित्यो। एम्बापेले बुट जित्यो, कप अर्कैले जित्यो।’

काँग्रेस पार्टीभित्र नयाँ पुस्ताको नेतृत्व र लोकतान्त्रिक परिपाटी गर्न सफल भए पनि नेपालको राजनीति पूर्वप्रधानमन्त्रीको क्लब जस्तो देखिने थापाको टिप्पणी छ।

‘एउटा पुर्वप्रधानमन्त्री अर्काे पूर्वप्रधानमन्त्रीलाई धोका दिएको देखिन्छ । कति पटक पूर्व हुने भन्ने मात्रै रह्यो सबैको । यो हेर्दा समान्य लाग्छ । यो हाम्रो राजनीतिक प्रणालीको एकदमै ठूलो समस्या हो । एकजना व्यक्ति पार्टी कब्जा गरेर बसेको अवस्था छ।’

छलफलमा अब नेपाली कांँग्रेसले के गर्छ भन्ने स्वभाविक प्रश्न उठ्ने नै भयो।

‘हार जितको कुरा एकछिन आयो, गयो। नेपाली कांग्रेसमा जोडिँदा एउटा प्रतिष्ठा हुन्थ्यो। त्यो कुरा फेरि बनाइन्छ। हामी कांग्रेस पार्टीलाई सदृढ कसरी बनाउँने भन्नेबारे सोचिरहेका छौं,’ गगनले भन्नुभयो।

यसैमा नेता शर्माले फेरि फुटबलकै उदाहरण दिँदै थप्नुभयो, ‘जब केही भत्किन्छ। निर्माण क्रम पनि सुरु हुन्छ। यो नेपाली काँग्रेसको लागि ट्रनिङ प्वइन्ट हो। पाँच वर्षपछि हामी डिफेन्डिङ च्यापियनलाई हराउँछौं। हामी जित्छौं।’

उहाँले पछिल्लो राजनीतिक प्रकरणबारे काँग्रेसले गहिरो विश्लेषण गरेर अबको यात्रा तय गर्नेसमेत बताउनुभयो।