पोखरा, १३ असार । च्याउ खाँदा पोखराका आठ जना बिरामी भएका छन् ।

सबै बिरामी पोखरा महानगरपालिका वडा नं ३३ का हुन् । विरामी हुनेमा पोखरा महानगरपालिका–३३ पुँडी बस्ने ४५ वर्षीय गोठे पुन, उनकी श्रीमती ४० वर्षीया लीला पुन, छोरा १३ वर्षीय पुर्ण पुन, छोरी १० वर्षीया बिनिता पुन, छोरी ८ वर्षीया अस्मिता पुन, ६ वर्षीया छोरी माया पुन छन् ।
त्यस्तै स्वाँरा बस्ने ५५ वर्षीय वर्षीय भिम बहादुर पुन र उनकी श्रीमती ५२ वर्षीया गौमाया पुन छन् ।

बिरामी सबैको पश्चिमाञ्चल क्षेत्रीय अस्पताल पोखरामा उपचार भैरहेको प्रहरीले जनाएको छ ।

धारापानी सामुदायिक वनबाट नाम नखुलेको च्याउ ल्याई खाँदा बिरामी भई बेहोस भएपछि उपचारार्थ अस्पताल लगिएको हो ।
घटनाका बारेमा अनुसन्धान भैरहेको प्रहरीले जनाएको छ ।