संयुक्त अरब इमिरेट्स अरब मुद्रा कोषद्वारा जारी गरिएको नवीनतम अरब आर्थिक प्रतिस्पर्धा सूचकाङ्कमा शीर्ष स्थानमा पुगेको छ । अरब संसारमा युएईले आर्थिक प्रतिस्पर्धी राष्ट्रको रूपमा सबैभन्दा बलियो स्थिति निर्माण गरेको छ ।एएमएफको अरब आर्थिक प्रतिस्पर्धा प्रतिवेदनको सातौं संस्करणमा विशेष जोड दिएको यो विषयले समग्र अर्थव्यवस्था, बढ्दो आकर्षक लगानी वातावरण, र बढ्दो आकर्षण सहित महत्त्वपूर्ण क्षेत्रहरूमा युएईको निरन्तर प्रगतिलाई देखाएको छ ।

प्रतिवेदनले युएईले सरकारी वित्तीय क्षेत्र सूचकाङ्कमा पनि शीर्ष स्थान सुरक्षित गरेको छ । साथै प्रतिवेदनमा सबै उपसूचकाङ्कहरूमा उन्नत स्थानका कारण आर्थिक स्वतन्त्रता सूचकाङ्कमा पनि युएई लगानीको वातावरण र आकर्षणका हिसाबले अरब राष्ट्रहरूमध्ये पहिलो स्थानमा परेको प्रतिवेदनमा उल्लेख छ ।

युएई पूर्वाधार क्षेत्र सूचकाङ्कमा पनि शीर्ष स्थानमा छ । यसै गरी मोबाइल फोन प्रयोगकर्ता र बिजुलीमा पहुँच भएको जनसंख्याको प्रतिशतमा पनि युएई अग्रस्थानमा छ । हवाई यातायात र कुल विश्वव्यापी यातायात र ढुवानीको हिस्सामा भने दोस्रो स्थानमा परेको छ। संस्थागत र सुशासन क्षेत्रहरूको सन्दर्भमा युएई प्रशासनिक भ्रष्टाचार र सरकारी दक्षता दुवै सूचकाङ्कहरूमा उन्नत स्तर हासिल गर्दै अरब देशहरूमध्ये शीर्ष स्थानमा परेको प्रतिवेदनमा उल्लेख छ ।

अरब मुद्रा कोषको प्रतिवेदनले अरब देशहरूले उत्पादकत्व वृद्धि गर्न, उत्पादित वस्तुहरूको गुणस्तर सुधार गर्न र उत्पादक क्षेत्रहरूमा ध्यान केन्द्रित गर्न थुप्रै राष्ट्रिय रणनीति र दृष्टिकोणहरू अपनाएका छन् जसले यस क्षेत्रको अर्थतन्त्रमा निरन्तर सुधार देखिएको छ ।

अरब देशहरूले सेवा क्षेत्रहरू विकास गर्न, व्यवसायिक वातावरणलाई सहज बनाउन र उनीहरूको प्रतिस्पर्धात्मकतामा बाधा पुर्योउने चुनौतीहरूलाई सम्बोधन गर्न पूर्वाधार विस्तार गर्न थप प्रयासरत छन्। यी राष्ट्रिय प्रयासहरूको केन्द्रमा साझा महत्वाकांक्षा छ, आर्थिक स्थिरता, दिगो विकास, र अरब नागरिकहरूका लागि सुधारिएको जीवन स्तर समावेश गरिएको प्रतिवेदनामा उल्लेख छ। यस्ता सुधारात्मक रणनीतिहरूले स्थानीय उद्योगहरूमा लगानी बढाउनदेखि विदेशी पुँजीको लागि आकर्षक व्यावसायिक वातावरणलाई बढावा दिने विभिन्न किसिमका कार्यक्रमहरू समावेश छन् ।

दक्ष नागरिकको निर्णायक भूमिकालाई आत्मसात् गर्दै अरब देशहरूले शिक्षा र कार्यबल प्रशिक्षणमा ठूलो लगानी गरिरहेका छन्। उत्पादनशील क्षेत्र र सेवा उद्योगहरूमा फस्टाउनका लागि आवश्यक विशेषज्ञताले उनीहरूको कार्यबललाई सुसज्जित गर्ने लक्ष्य राखेको देखिन्छ । साथै, ठूला पूर्वाधार परियोजनाहरूले यातायात सञ्जाल, बन्दरगाह सुविधाहरू, र रसद सेवाहरूलाई मजबुद पार्दै विश्वव्यापी बजारमा प्रतिस्पर्धी पनि बनेका छन् ।

प्रतिवेदनले आर्थिक प्रतिस्पर्धा र उत्पादकत्वको बृद्धिले अरब अर्थतन्त्रलाई विविधीकरण गर्न, रोजगारीका अवसरहरू उपलब्ध गराउन, दिगो आर्थिक विकासतर्फ डोर्याअउन र नागरिकहरूको जीवनस्तर उकास्न योगदान पुग्ने अपेक्षा गरेको उल्लेख गरेको छ ।