लेखक तथा पत्रकार नेत्र पन्थीको हालै प्रकाशित पुस्तक लेफ्ट राइटको एक कार्यक्रमका बीच डालस टेक्ससमा छलफल तथा समिक्षा गरिएको छ । नेपाली राजनीतिको ब्यवहारिक बिषयमाथि लेखिएको पुस्तक लेफ्ट राइटको टेक्सस क्षेत्रमा सक्रिय पत्रकारहरुका बीच छलफल गरिएको हो ।

करिव ७ महिनअघि डिजिटल बिमोचन गरिएको पुस्तकमा नेपाली राजनीतिको पछिल्लो एक दशकलाई नजिकबाट केलाउने प्रयास गरिएको पत्रकार पन्थीले जानकारी दिए । नयाँ पत्रिका दैनिकका राजनीतिक ब्यूरो प्रमुख समेत रहेका लेखक पन्थीको यो चौथो पुस्तक हो ।

पुस्तक लेफ्ट-राइटमा लेखक तथा पत्रकार पन्थीले सत्ता र शक्तिको ‘अ’राजनीति बिषयमा केन्द्रित रहेर लेखेका छन् । पाठकहरुका अनुसार यस पुस्तकमा अमेरिका देखी नजिकको छिमेकी मुलुक चीन सम्मको राजनीतिक र नेपालको राजनीतिक अवस्थाका बारेमा पढ्न पाइन्छ ।

हाल अमेरिका भ्रमणमा रहेका पन्थीको पुस्तकमाथि बिभिन्न राज्यहरुमा सार्वजनिक बहस, समिक्षा समेत भईरहेको छ । सातादिन अघिमात्रै पत्रकार पन्थीको पुस्तकमाथि मेरिल्याण्ड राज्यको बाल्टिमोरमा समिक्षा गरिएको थियो । सगरमाथा टेलिभिजनमा समाचार सम्पादक भएर काम गरिसकेका हाल न्यूयोर्क निवासी पत्रकार गोकुल श्रेष्ठले लेखक पन्थीको पुस्तक भावी पुस्ताका लागि एक एतिहासिक दस्तावेज हुने बताए । पत्रकार श्रेष्ठका अनुसार, नेपालका राजनीतक दलका शिर्ष नेताहरुको कार्यशैली, त्यसले नेपालको भविश्यमा पारेको प्रभाव र भावी कार्यदिशाका बारेमा जान्न पुस्तक सहयोगी हुने दावी गरे ।

जनवरी महिनाको पहिलो साता नेपाल फर्किने योजनामा रहेका पत्रकार पन्थी अब केही राज्यमा पुस्तक लेफ्ट राइटका बारेमा छलफल गर्ने योजनामा छन । उनि नेपालको राजनीतिलाई नजिकबाट नियाल्न सक्ने क्षमता भएका पत्रकार मानिन्छन् ।