नेपाली समाज टेक्सासले भोली शनिवार आफ्नो २५ औं बार्षिकोत्सव बिविध कार्यक्रम गरी मनाउँदैछ । टेक्सासस्थित पशुपतिनाथ मन्दिर प्राङगणमा एनएसटीले २५ औं बार्षिकोत्सव भब्य कार्यक्रम गरी मनाउन लागेको हो ।

टेक्सास क्षेत्रको अग्रणी सामाजिक संस्था एनएसटीले भोली बिहान ठिक १० बजेदखी बिभिन्न कार्यक्रम गर्नेछ । संस्थाका अध्यक्ष राजेन्द्र वाग्लेका अनुसार बिहान १० बजेदखी १२ बजे सम्म बिविध साँस्कृति कार्यक्रम हुनेछ । यस्तै संस्थाको बृहत्तर हितमा काम गरिसकेकाहरुलाई सम्मान गर्ने कार्यक्रम समेत रहेको छ ।

त्यसबीचमा एनएसटीले संचालन गरेका बिभिन्न कक्षाका शिक्षकहरुलाई समेत सम्मान गर्ने कार्यक्रम राखिएको छ । भने स्थानिय मगर समुदायले बिशेष साँस्कृतिक कार्यक्रम देखाउने जनाइएको छ । यसैगरी संस्थाका पूर्वअध्यक्षहरुको हातबाट संस्थाको गतिविधि समेटिएको पुस्तक समेत बिमोचन गर्ने कार्यक्रम छ ।

संस्थाका कार्यसमिति सदस्य बिजय भुसालले ठिक १२:३० बजे बजे साँस्कृतिक झाँकी शुरु हुने जानकारी दिएका छन् । झाँकीमा स्थानिय संघ सस्थाका प्रतिनिधि तथा नेपाली समुदायका मानिसहरु बिभिन्न भेषभुषामा सहभागि हुनेछन् ।

२ बजे सम्म जारी रहने झाँकीपछी २:३० बजे बजेबाट अनेसास डालससँगको सहकार्यमा गजल महफिल हुनेछ । कार्यक्रममा स्थानिय मेयर लगायत बिभिन्न विशिष्ठ व्यक्तित्वहरु सहभागि हुने जानकारी दिईएको छ ।

तल हेर्नुस कार्यतालिका ।