काठमाडौं । नेपाली कांग्रेसका महामन्त्री गगनकुमार थापाले स्वास्थ्यकर्मीहरुमाथि आक्रमण प्रवृत्तिकै रुपमा देखा परेको बताएका छन् ।
कानुनको अभावमा यस्ता घटना भयो भनेर कानुन, निकायहरु बनाए पनि अवस्था उस्तै रहेको भन्दै उनले एउटा स्वास्थ्यकर्मी कहिले र कहाँ सुरक्षित छ, असुरक्षित भएर आत्मविश्वास गुमाएको स्वास्थकर्मीले राम्रो स्वास्थ्य सेवामा कसरी दिन्छ ? भनेर प्रश्न उठाएका छन् । साथै कानुन, संयन्त्र र प्रक्रियाप्रति विश्वास गर्न नसकेको नागरिकले कुटपिटमार्फत किन आक्रोश पोख्छन् भन्ने प्रश्न पनि उठाएका छन् ।
पछिल्लो घटनाबारे आफ्नो धारणा सामाजिक सञ्जालमा सार्वजनिक गर्दै पूर्वस्वास्थ्यमन्त्री समेत रहेका थापाले कानुन, संयन्त्र र प्रक्रियामा खोट रहेको औंल्याएका छन् । नागरिकलाई भरोसा र स्वास्थ्यकर्मीहरुलाई आत्मविश्वास दिलाउनुपर्ने भन्दै उनले भनेका छन्, ‘जुन किसिमको आक्रोश स्वास्थ्यकर्मीमाथि पोख्ने प्रवृत्ति बढेको छ, यसलाई रोक्न ‘चिकित्सक तथा स्वास्थ्यकर्मीमाथि आशंका वा अविश्वास लागेमा वा कतै कमजोरी वा लापरबाही भएको ठानेमा त्यस विरुद्ध उजुरी दिने र तत्काल संवोधन गर्ने विश्वासिलो संयन्त्र बनाऔं ।’
उपचारको क्रममा त्यस्तो कुनै घटना भइहाले पीडित पक्षले तत्काल उजुरी दिन सक्ने र र्यापिड एक्सन टिमले सम्बोधन गर्ने व्यवस्था गर्नुपर्ने उनको धारणा छ ।
साथै, उपचारको विषयसँग सम्बन्धित रहेर स्वास्थ्यकर्मीमाथि आक्रमण गरे आक्रमणकारीलाई तत्काल पुर्पक्षको लागि थुनामा राख्ने व्यवस्था कडाइका साथ कार्यान्वयन गर्नुपर्ने उनको मत छ ।
थापाले भनेका छन्, ‘चिकित्सक वा स्वास्थ्यकर्मीमाथि हातपात गर्नेलाई समेत त्यसमा राखी अझै स्पष्ट र प्रभावकारी बनाउन कानुनी प्रबन्ध गर्नुपर्नेछ भने एकीकृत ढङ्गले कानुन संशोधन गरौं र कार्यान्वयनको संयन्त्र बलियो बनाऔं ।’
भर्खरै
प्रवासी नेपालीहरुको नागरिकताको निरन्तरताका लागि संबिधान संशोधन पनि गर्न तयार छौं : एमाले उपमहासचिव ज्ञवाली
प्रवासी नेपालीहरुले एक स्वरमा भने, हामी नागरिकताको निरन्तरताका लागि लडिरहनेछौं
चन्द्रमाको एक टापुको नाम अब ‘ल्हामु क्रेटर’
विमान दुर्घटनाका साक्षी भन्छन्, कान्लामा नठोक्किएको भए जहाज सिधै बस्तीमा पस्ने थियो
देशभरका नौ सडकखण्ड अवरुद्ध, एक सय ५९ एकतर्फी सञ्चालनमा
उपसभामुख विरुद्ध संसद्को राज्यव्यवस्थामा उजुरी
ट्रेन्डिङ
पोखरा महानगरपालिका पूर्ण असफल – ११ वडाका अध्यक्ष
जनकपुरको माछा फेवातालको भन्दै विक्री गर्नेलाई कारवाहीको माग
पोखरामा भाँसियो सडक
हेमजाकी त्रिपाठीलाई अन्तर्राष्ट्रिस्तरको अवार्ड
यस्तो छ पोखराका विद्यालयलाई निर्देशन,पढौं
कास्की जिल्ला प्रशासनले भर्खरै जारी ग¥यो कडा निषेधाज्ञा, के के छ पढौं