अमेरिका । गैरआवासीय नेपाली संघ अन्तराष्ट्रिय समन्वय समितिका सचिव प्रमोद सिटौलाले उपमहासचिव पदमा उम्मेदवारी दिने भएका छन् । संचारमाध्यम मार्फत जानकारी गराउँदै, सिटौलाले उपमहासचिव पदमा उम्मेदवारी दिने घोषणा गरेका हुन ।

सिटौलाले स्मार्ट एनआरएनए अवधारणालाई सफल बनाउन आफु उपमहासचिव पदको उम्मेदवार रहेको बताएका छन् । न्यूजपालीसँग कुराकानी गर्दै सिटौलाले भने, म अहिले सचिव छु, मलाई एनआरएनए अभियान, संस्थाको सचिवालय र विश्वभर रहेका प्रवासी नेपालीहरुको अवस्था बारेमा राम्रो जानकार छु, यसैले मैले उपमहासचिव पदमा उम्मेदवारी दिँदैछु । उनले एनआरएनए अभियानका अभियान्ताहरुबाट पूर्ण सहयोग हुने विश्वास व्यक्त गरेका छन् ।

म अहिले सचिव छु, मलाई एनआरएनए अभियान, संस्थाको सचिवालय र विश्वभर रहेका प्रवासी नेपालीहरुको अवस्था बारेमा राम्रो जानकार छु, यसैले मैले उपमहासचिव पदमा उम्मेदवारी दिँदैछु ।

नेपाली कांग्रेसको शुभेच्छुक संस्था जनसम्पर्क समितिमा लामो समेदेखी बिभिन्न पदमा रहेर काम गरिसकेका सिटौला, संस्थालाई बुझेका व्यक्तिमा पर्दछन् । उनको विश्वभर रहेका एनआरएन अभियान्ताहरुसँग राम्रो सम्पर्क सम्वन्ध समेत छ । उनि स्पष्ट वक्ताका रुपमा समेत परिचित छन् ।

उनि बद्रि केसी समुहका उम्मेदवार हुन् । पहिले महेश श्रेष्ठको समुहबाटै उपमहासचिवमा रहने भनिएपनि श्रेष्ठको टिममा तीनजना आकांक्षी र एकजना स्वतन्त्र गरी चार जनासँग प्रतिस्पर्धा हुने देखिएपछि सिटौलाले केसी समुहबाट आफ्नो टिकट पक्का गरेका हुन् ।

झापा कनकाई नगरपालिका वडा नम्वर १ स्थायी घर भएका सिटौला विगत २० बर्षदेखी अमेरिकामा छन् । उनको अमेरिकाको मिजौरी राज्यमा आफ्नै व्यवसाय छ । वर्तमान कार्यसमितिका सचिव सिटौला नेपाली कांग्रेसका पूर्वमहाधिवेशन प्रतिनिधि, झापाली समाजका पूर्वउपाध्यक्ष तथा हालका सल्लाहकार, एनआरएनए अमेरिकाको डेलिगेट छनौट समिति लगायत बिभिन्न संघ सस्थामा नेतृत्वदायी भूमिका निर्वाह गरिसकेका छन् ।