काठमाण्डौं

उपराष्ट्रपति रामसहायप्रसाद यादव चीन प्रस्थान गरेका छन् । उपराष्ट्रपति यादव एक साता चीनको कुनमिङमा आयोजना हुने सातौं चीन–दक्षिण एसिया एक्स्पो तथा २७ औं चीन आयात निर्यात एस्क्पोमा सहभागी हुन त्यस तर्फ प्रस्थान गरेका हुन । उपराष्ट्रपति यादवको यो पहिलो बिदेश भ्रमण हो ।

प्रधानमन्त्री पुष्पकमल दाहालको चीन भ्रमणको गृहकार्य चलिरहँदा उपराष्ट्रपति यादवको नेतृत्वमा टोली त्यसतर्फ प्रस्थान गरेको छ । मन्त्रिपरिषद् बैठकले उपराष्ट्रपति यादवको चीन भ्रमण गत बुधबार स्वीकृत गरेको थियो । उपराष्ट्रपति यादवको टोलीमा शिक्षामन्त्री अशोक राई, परराष्ट्र सचिव भरतराज पौड्याल लगायत सहभागी छन् ।