धनगढी । अविरल वर्षाका कारण कैलालीका विभिन्न पालिकाहरुमा नौ सयभन्दा बढी घर डुबानमा परेका छन् । तीमध्ये भजनी नगरपालिकाका अधिकांश परिवार बढी प्रभावित छन् । भजनी नगरपालिकाका नगरप्रमुख केवल चौधरीले भजनीका विभिन्न वडामा बसोवास भएका ९ सय परिवार बाढीबाट पूर्ण रुपमा प्रभावित भएको जानकारी दिएका छन् । नगरप्रमुख चौधरीका अनुसार अत्यधिक प्रभावित वडा नम्बर ३ का गाउँहरु कुशुमघाट, ढुसी, बर्दवा, कनैयापुर, ८ वडाका बहादुरपुर, जनकपुर, मिजाहा र सोनाफाँटा क्षेत्रका प्रभावित अधिकांश परिवारहरु हुलाकी राजमार्ग छेउमा त्रिपाल टाँगेर बस्न बाध्य छन् ।
केही परिवार भने सार्वजनिक भवनहरुमा आश्रय लिएर बसिरहेका छन् । चौधरीले ३ वडामा काँढा नदीको बहावले डुबान गरेको र ८ नम्बर वडामा पथरैया नदीको बहावले डुबान गरेको जानकारी दिए । ३ र ८ बाहेक ५ र ७ नम्बर वडाका बासिन्दाहरु पनि प्रभावित छन् ।
ढुसी गाउँका जनक चौधरीले भने, ‘मेरो घर मात्रै होइन पूरै गाउँ नै डुुबानमा परेको छ । ज्यान जोगाउन घर छाडेर सडक छेउमा त्रिपाल टाँगेर बसेका छौं,’ ‘कहिले बाढी घट्ने हो र कहिले फर्किन पाइने हो । केही ठेगान छैन ।’ बाढी प्रभावितहरुलाई नगरपालिकाले खानेपानीका बोतल उपलब्ध गराएको छ । त्यस बाहेक उनीहरुलाई कुनै पनि निकायले राहत तथा सहयोग उपलब्ध गराएका छैनन् । नगरप्रमुख चौधरीका अनुसार ‘९ सय परिवारलाई तत्काल कुनै राहत उपलब्ध गराउने अवस्था छैन,’ उनले भने, ‘सुरक्षा निकाय र प्रदेशको टोलीले स्थलगत निरीक्षण गरेको छ । केही होला भन्ने अपेक्षा छ ।’
कैलालीका प्रमुख जिल्ला अधिकारी युवराज कटेलले बाढीपीडित परिवारहरु तत्काल आफैंले जोहो गरी बसेको जानकारी दिएका छन् । ‘हामीले स्थलगत अनुगमन गरेका छौं । अहिले उहाँहरु आफ्नै त्रिपाल प्रयोग गरी सडक किनारमा बस्नु भएको छ,’ प्रजिअ कटेलले भने ‘आवश्यकता अनुसार त्रिपाल, खाद्यान्न लगायतका सहायताहरु उपलब्ध गराउँछौं ।’
भर्खरै
धान कुटाउन गएकी किशोरीको हत्या
आज विजया दशमी, टीका र जमरा लगाउने उत्तम साइत ११ बजेर ३६ मिनेटमा
सबै अधिकार सहितको नागरिकताको निरन्तरताका लागि प्रधानमन्त्री ओलीको प्रतिवद्धता
टेक्सस र क्यालिर्फोनियामा महाबाणिज्यदूतावास खोल्न प्रधानमन्त्री र परराष्ट्रमन्त्रीको ध्यानाकर्षण
प्रवासी नेपालीहरुको नागरिकताको निरन्तरताका लागि संबिधान संशोधन पनि गर्न तयार छौं : एमाले उपमहासचिव ज्ञवाली
प्रवासी नेपालीहरुले एक स्वरमा भने, हामी नागरिकताको निरन्तरताका लागि लडिरहनेछौं
ट्रेन्डिङ
पोखरा महानगरपालिका पूर्ण असफल – ११ वडाका अध्यक्ष
जनकपुरको माछा फेवातालको भन्दै विक्री गर्नेलाई कारवाहीको माग
पोखरामा भाँसियो सडक
हेमजाकी त्रिपाठीलाई अन्तर्राष्ट्रिस्तरको अवार्ड
यस्तो छ पोखराका विद्यालयलाई निर्देशन,पढौं
कास्की जिल्ला प्रशासनले भर्खरै जारी ग¥यो कडा निषेधाज्ञा, के के छ पढौं