गैरआवासीय नेपाली संघ राष्ट्रिय समन्वय परिषद् अमेरिकाको चुनावी नतिजा पूर्विय समय अनुसार करिव २ बजे सार्वजनिक गरिने भएको छ ।

निर्वाचन समितिका अनुसार अनलाइन भोटिङको जिम्मा लिएको भेरो कम्पनीले अन्तिम नतिजा दिएपछी लगत्तै सार्वजनिक गरिने जनाइएको छ । आइतबार बिहान सम्म जारी चुनावमा ८२ प्रतिशत मत खसेको छ ।

१३ हजार भन्दा बढ्ता आजीवन तथा साधारण सदस्यहरु मतदानका लागि योग्य थिए, त्यस मध्ये करिव ११ हजार मतदानमा सहभागि भएका छन् । श्रोतका अनुसार वरिष्ठ उपाध्यक्षमा बिकास उप्रेती, महासचिवमा रामहरी अधिकारी जितको नजिक छन् । भने अध्यक्षमा दिलु पराजुली र अर्जुन बन्जाडे मध्ये एक झिनो मतले बिजयी हुने देखिएको छ । यि दुवै उम्मेदवारको कडा प्रतिस्पर्धा देखिएको बुझिन्छ ।

निर्वाचन समितिले न्यूयोर्कको नायग्रा फल्सबाट नतिजा सार्वजनिक गर्दैछ ।