पोखरा, १० वैशाख । छाला, यौन तथा कुष्ठ रोग विशेषज्ञ समाजको १७ औ वार्षिक सम्मेलन तथा साधारण सभाले प्रा. डा. सरास्वती न्यौपानेको अध्यक्षतामा नयाँ कार्यसमिति चयन गरेको छ ।

समितिको उपाध्यक्षमा डा. मनिषा सिंह, सचिवमा डा. निरज पराजुली, कोषाध्यक्षमा डा. रमेश शर्मा, संयुक्त सचिवमा डा. मोहन भुषाल र सदस्यहरुमा डा. सुवाष बराल, डा. सूचना मरहट्टा, डा.अदिति मिश्र, डा. रवीन्द्र बास्कोटा रहनुभएको छ ।

कार्यक्रम उद्घाटन गर्दै काठमाडौँ बिश्व विद्यालयका उपकुलपति डा. भोला थापाले बिश्वबिद्यालयले योगीक विद्यालयको कक्षा संचालन गर्ने तयारी गरिरहेको बताउनुभयो ।

प्रा. डा. गुन्टर बुर्गले आफुले धेरै वर्ष देखि समाजसँग नजिक रहेको र यसको प्रगती हुँदै गएको बताउनुभयो ।

वैशाख ८ र ९ गते भएको साधारण सभा डा. सृष्टि श्रेष्ठको अध्यक्षतामा भएको थियो ।