पोखरा, २६ फागुन । गण्डकी प्रदेश सभा सदस्य प्रकाश बराललाई पितृशोक परेको छ ।

उहाँका बुबा लोकराज बरालको ८२ वर्षको उमेरमा शुक्रबार साँझ निधन भएको हो । बराल समाजसेवाका क्षेत्रमा क्रियाशील हुनुहुन्थ्यो । अपरेशनपछि उहाँ घरमा नै आराम गरिरहनु भएको थियो ।

उहाँको पार्थिव शरिर शनिवार पोखरा ९ स्थित सेती नदी किनारमा दाहसंस्कार गरिएको छ । पोखरा १७ स्थित निवासबाट शवयात्रा गरिएको थियो । शवयात्रामा विभिन्न राजनैतिक दलका नेता तथा कार्यकर्ता, व्यवसायी, खेलाडि, आफन्त, परिवारजन, शुभेच्छुकको सहभागिता रहेको थियो ।

उहाँका पाँच छोरा र तीन छोरी हुनुहुन्छ । सांसद एवं नेपाली काँग्रेसका युवा नेता बराल साइला छोरा हुनुहुन्छ ।