पोखरा, ११ जेठ । कोरोना महामारीका कारण पोखराका विद्यालयहरुमा शैक्षिक सत्र २०७७ को कक्षा ८ को जिल्लास्तरीय परीक्षा संचालन नहुने भएको छ ।

परीक्षा संचालन तथा समन्वय समितिको बैठकले विद्यार्थीको भौतिक उपस्थितिमा परीक्षा संचालन गर्न असम्भव देखिएकाले परीक्षा संचालन नगर्ने निर्णय गरेको हो ।

पोखरा महानगरपालिका शिक्षा महाशाखाका प्रमुख हेम प्रसाद आचार्यले मङ्गलबार  जारी गर्नुभएको सूचना अनुसार, यसअघि संचालन गरेका त्रैमासिक, अर्धवार्षिक परीक्षालाई आधार मानेर ५० प्रतिशत अंक र कक्षाकार्य, गृहकार्य, विद्यार्थीको हाजिरी, अनलाइन कक्षाका सिकाईलाई आधार मानेर ५० प्रतिशत अंक दिएर महाशाखामा पठाउन भनिएको छ ।